-

அழுக்கு சூரியன்கள்...




பரந்து விரிந்த பிரபஞ்ச வெளியில்...
நிறைந்து கிடக்கிறது பல கோடி சூரியன்கள்
நம் கண்ணுக்கு எட்டிய சிறுதூரம் தான் உண்மை என்று
எண்ணிக்கிடக்கின்றோம்
இன்றுவரை...




நம் கண்ணில் கண்ட ஒரு சூரியனை
ரட்சகன் என்றெண்ணி
கண்ணில் ஒற்றிக்கொள்ளும்
மடமைகளுக்கு

புரிவதில்லை
வாழ்வின் நிஜங்கள்


 விடிந்த பின்னர் வந்த சூரியன்கள்
வாழ்வின் விடிவுகளை தீர்மானிப்பதில்லை
சூரியன் இல்லாது விடிந்த பொழுதுகள் உண்டு உலகில்

 சூரியன் இல்லாது விட்டாலும்
விடியும் பொழுது விடிந்ததே தீரும்

கவனிக்க ....
பலகோடி நிலவுகளும் உண்டு உலகில்
அதற்கென்று தனி ஒளியும் உண்டு
சில சூரியன்கள், தன் ஒளியை வீசி நிலவொளியை மறைத்து
வாழ்வளித்த வள்ளல் என்று போலிப்பெருமை பேசுகிறது


 நிலையின்றி சுற்றி வரும் நிலவுகள் தான் அவை
மேகம் மறைக்க மறைக்க அதிலிருந்து மீளும் நிலைகள்
எப்போதுமே அவற்றுக்கு உண்டு
அமாவாசையில் மறைக்கப்படும் நிலவுகள்
தொலைந்துபோவதில்லை
பௌர்ணமிகள் அதற்கு எப்போதும் உண்டு
பூமி தொலைந்தாலும் நிலவில் வாழ்வோம் என்ற நம்பிக்கை
ஆய்வுகளுக்கு உண்டு
நம்பிக்கை தரும் நிலவுகளை போலவே சில மனிதர்களும் ....

ஜீவ ஒளி பற்றி கேட்கலாம்  நீங்கள்
ஆமாம் ஜீவ ஒளி தரும் சூரியன்கள்
இன்னும் உண்டு உலகில்
அவை மதிக்கப்படவேண்டியதே
ஆனால் அழுக்கு சூரியன்கள் ???

அழுக்கு சூரியன்கள் ஆதர்சமாவதால்
அழிந்து போகும் அபாயம்
என்றும் நிரந்தரம்

 சலவை செய்ய முடியாத அழுக்கு சூரியன்கள்
சாக்கடையாக மாற்றும் மனங்களை
தோற்றுவிக்கும்
அடுத்தவர் மீது சேறு அள்ளி தூற்றும் குணங்களை

ஆபத்துகளை அழகு என்றெண்ணி
அரியணை கொடுக்கும் முயற்சிகள்
நிற்காமல் தொடர்கிறது மீண்டும் மீண்டும்

சூரியனின் அழுக்கு வெளிப்படும் வரை
வசனம் பேசி மகிழுங்கள்

இன்று உங்கள் சூரியன்கள்
வானத்தில் பெரிதாக இருக்கலாம்
பிரகாசமாக ஒளி வீசிகொண்டிருக்கலாம்
அந்த ஒற்றை சூரியன்
வானத்தை நிரப்பிக்கொண்டு இருக்கலாம்
தன் சுட்டெரிக்கும் வெப்பத்தால் மற்றவர்களை
தன்னை மீறி செல்ல விடாது
தடுக்கலாம்... எரிக்கலாம்...
தன் விஸ்ரூபக்கதை பேசி ( பேசச்சொல்லி )விளம்பரம் தேடலாம்

 நிலையானது என்று எண்ணி பெருமிதம் கொள்ளும்
அந்த சூரியனும் ஒரு நட்சத்திரம் தான்
ஒருநாள்-
நிச்சயம் எரிந்து விழப்போகும் நட்சத்திரம் தான்
தான் கொண்ட எச்சங்களாலேயே
எரிந்து கருகி விழ வைக்கும் காலம்
விழ்ந்த பின்னர் யாராலும் கவனிக்கப்படாது போகும்
உங்கள் ஆதர்ச சூரியன்கள்...

அந்த நாட்களை யாராலும் தடுக்கவோ தவிர்க்கவோ முடியாது
எதுவும் நிரந்தரமில்லாத உலகில்
நிலையானது என்று எதுவும் இல்லை
காலத்தின் கேள்விகளை ஏமாற்றி பிழைத்தவர் எவரும் இல்லை

 அடுத்தவர் வீழ்ச்சிக்காக அல்ல உண்மையின் எழுச்சிக்காக
காத்திருப்போம் அதுவரை...

Comments

Post a Comment

Popular posts from this blog

-
Image
The Red Balloon சிறு வயதில் பலூன்கள் மேல் எனக்கு அளவிடமுடியாத ஆசை இருந்தது. அதே ஆசை இன்று இருக்கிறதா என்றால் பதில் சொல்லத்தெரியவில்லை பலூன்களைப்பார்க்கும் போது ஒரு இனம்புரியாத ஆர்வம் ஏற்பட்டாலும் நான் ஒன்றும் சின்னப்பிள்ளை இல்லை என்ற எண்ணம் வர அடுத்த நிமிஷம் ஆர்வம் குன்றிப்போய் விடும் பாலூன்களோடு சேர்த்து எனது சிறு பராயமும் தொலைந்துவிட்டது. தொலைந்து போன நினைவுகளை மீட்டிப்பார்க்க வைத்தது ஒரு குறும்படம் "The Red Balloon" பள்ளிக்கு செல்லும் ஒரு சிறுவன் மின் கம்பத்தில் சிக்கிகொண்டிருக்கும் ஒரு பலூனை காண்கிறான் சிவப்பு நிறத்தில் பெரிதாய் இருக்கும் அந்த பலூனை பார்க்க எனக்கே ஆசை வருகிறது என்றால் , அந்த சிறுவனுக்கு ஆசை வராமலா இருக்கும் ? பலூனை எடுத்துக்கொண்டு பள்ளிக்கு செல்ல தொடங்குகிறான். பலூனோடு   வரும்   சிறுவனை   பேருந்தில்   ஏற்ற   மறுக்கிறார்   நடத்துனர் . பலூனை பிரிய மனமில்லாத சிறுவனும் பலூனை எடுத்துக்கொண்டு ஓடத்தொடங்குகின்றான் . பலூனை பள்ளியின் உள்ளே எடுத்து செல்ல முடியாத காரணத்தால்  பள்ளிப்பணியாளரிடம்   ஒப்படைத்து   விட்டு பள்ளி முடிந்த
Read more

The Clue:4th Period Mystery

-
Image
இலக்கிய வகுப்பு ஆசிரியர் சொல்லச் சொல்ல மாணவர்கள் குறிபெடுத்துக் கொள்கின்றார்கள் .அந்த மாணவர்கள் கூட்டத்தில் ஒருவன் ஜங் ஹூன் (Jung-hoon) .வகுப்பில் சிறந்த மாணவனாக நற்பெயர் கொண்டவன் . எழுதும் போது எதேச்சையாக முன்னிருக்கையைப் பார்கிறான் . டா ஜங் (Da-jung)  எப்போதும் நீளக் கூந்தலை விரித்துவிட்டிருபாள் அதனால் curtain என்றே அனைவரும் அழைப்பார்கள் . பாடப்புத்தகத்திற்குள் குற்றங்கள் தொடர்பான புத்தகத்தை மறைத்து வைத்து வாசிக்கிறாள் .அவளது மேஜையில் இருப்பது எல்லாமே கிரைம் தொடர்பான புத்தகங்கள் . அவளது செய்கையை பார்த்துவிட்டு மீண்டும் பாடத்தை கவனிக்க தொடங்குகிறான் ஜங். ஒருவனை விஷம் வைத்து எப்படி கொல்லலாம் என்பதை பற்றி curtain மனதிற்குள் வாசிக்கையில் திடிரென்று பின் இருக்கையில் சத்தம் கேட்கிறது . பின்வரிசை மாணவன் வாயில் நுரை தள்ளி துடிதுடிக்க அனைவரும் பதறுகிறார்கள் .ஜங் ஆம்புலன்சை அழைக்க முயல, டா அந்த மாணவனை தொடர்ந்து தனது கேமராவால் புகைப்படம் எடுத்துக்கொண்டே இருக்கிறாள் . சில நாட்களுக்கு பின்பு- மாணவன் உயிர்  பிழைக்கிறான் .அந்த மாணவன் உட்பட எல்லோரும் food poison  என்று நம்ப  curtai
Read more

சட்டென நனைந்தது நெஞ்சம்

-
Image
திரைப்பட வகுப்பறை ... ஏதோ ஒரு பேச்சின் நீட்சியில் வந்தது  கன்னத்தில் முத்தமிட்டால் திரைப்பட பெயர் அங்கிருந்த அனைவருமே பிடிக்கவில்லை/ பிடித்த படம் என்ற வரையறைக்குள் அடக்கிட முனைந்த தருணம் என் பட்டியல்களில்  கன்னத்தில் முத்தமிட்டால் இல்லை என்றாலும் படத்தில் இடம்பெறும் கிட்டத்தட்ட 14 நிமிஷ காட்சியை அதில் ஒலிக்கும் பாடலை மட்டும் எப்போதும் ரசிக்க தவறாதவள் நான் காதல்- மணிரத்னம் தன் படத்தில் அழகியல்- யதார்த்தம் என்று 2 பக்கங்களையும் இணைக்க முற்பட்ட கட்டம். மாதவன் எழுத்தாளன் எழுத்தின் வழியே அவனை, அவன் அழகை ரசிக்கும் சிம்ரன். ஈர்ப்பு -காதல்- அன்பு என்று எல்லாம் இருவருக்குள்ளும் மெலிதாய் இருக்கும் தருவாயில் குழந்தைக்காக சிம்ரனை திருமணம் செய்ய மாதவன் கேட்க, அது ஏன்? அப்படி ஒரு காரணம் ஏன்? காதலை விட காரணம்தான் தீர்மானித்ததா தன்னை, என்று சிம்ரன் கேட்கும் காட்சி எந்த வார்த்தையுமே அவளை சமாதனப்படுத்த முடியாதென்று உணர்பவன் அவளது கோபத்தை, குழப்பத்தை கட்டியணைத்து தீர்க்க முற்படுகையில் அவளுக்கு சந்தோஷ வார்த்தைகள் கண்ணீராக உருமாறி தெறிக்க முதன் முதலில் அந்த அருகா
Read more